Kryetari i Gjakovës dhe një nga njerëzit më të afërt të Ramush Haradinajt, Ardian Gjini, ka reaguar pas dorëheqjes së shefit të tij të partisë nga posti i kryeministrit.

Megjithatë Gjini duket se me reagimin e tij i është drejtuar dikujt, duke i thënë “Gjeje tani një Kryeministër që e heq taksën! Nëse mundesh!”.

“Gjeje tani një Kryeministër që e heq taksën! Nëse mundesh! Ky tregim po kthehet në legjendë!”, ka shkruar Gjini në profilin e tij.

Pezullimin e taksës në vazhdmësi e kanë kërkuar edhe bashkësia ndërkombëtare, mirëpo Haradinaj ishte i vendosur që taksa ndaj mallrave serbe dhe atyre të Bosnjës, nuk do të hiqet nëse Serbia nuk e njeh shtetin e Kosovës.