Kryetari i Gjilanit vaksinohet me dozën e tretë kundër COVID-it

Kryetari i Gjilanit Alban Hyseni është vaksinuar me dozën e tretë kundër COVID-19.

Kështu ka njoftuar vetë ai përmes një postimi në Facebook, përcjell Gazeta Online Reporteri.net.

“Sot e kam marrë dozën përforcuese të vaksinës kundër COVID-19 në Qendrën e Mjekësisë Familjare në lagjen Dardania. Numri i rasteve të infektimit është në rritje përderisa e gjitha bota po përballet me variantin e ri të virusit korona”, ka shkruar ai.

Ai po ashtu u ka bërë thirrje të gjithë qytetarëve që ta marrin dozën përforcuese.

“Ju bëj thirrje të gjithë qytetarëve të marrin dozën përforcuese të vaksinës sa të kalojnë afatin e përcaktuar nga IKSHP pas marrjes së dozës së dytë. Të bëhemi së bashku në mbrojtje të shëndetit publik. #VAKSINOHU”, ka shkruar Hyseni në Facebook. /Reporteri.net/