Kryetari i Odës Ekonomike Amerikane, Arianit Zeka komentoi deklaratën e kryeministrit në detyrë i Kosovës, Albin Kurti, lidhur me protestën e bizneseve për bllokimin e hyrjeve në Prishtinë, ku u shpreh se “koha e barrikadave ka kaluar”.

“Për të mbrojtur 1 për qind të ndërmarrjeve më të fuqishme, në kurriz te 99 përqindëshit dhe te familjeve anembanë Kosovës, ata po duan që të bëjnë barrikada në hyrjet e Prishtinës, por koha e barrikadave në Kosovë ka kaluar, i kemi hequr ato kudo ku kanë qenë dhe jemi zotuar që s’do të lejojmë që të vendosen të reja”, pati deklaruar Kurti.

Për këtë deklaratë Zeka pohoi se është për keqardhje.

“Paga ime vjen nga një pjesë e madhe e këtyre njerëzve që kanë protestuar, dhe u heq kapelën dhe ua shprehi mirënjohjen më të madhe të mundshme”.

“Por, a e di se kush është personi i dytë që paguhet nga këta persona? Është kryeministri i Kosovës. Paga ime mund të vijë prej 200 këtyre kompanive që kanë protestuar, por paga e kryeministrit vjen nga 1,300 kompani që kanë protestuar, dhe të cilat shprehin kundërshtimin e tyre”, ka thënë Zeka në Klan Kosova.