Pandemia që ka përfshirë botën, e së fundmi edhe Kosovën, duke lënë 16 të infektuar me virusin tashmë të njohur si COVID 19, ka bërë që qytetarët të lënë rutinën e tyre të përditshme, dhe të vetizolohen brenda shtëpive të tyre.

Mirëpo, definicioni i karantinës për disa qytetarë me sa duket është pak më ndryshe. Ata nuk po mund të mbajnë assesi distancën prej 1 metër nga njëri tjetri, shkruan Reporteri.net.

Pamje të kosovarëve të tubuar i shohim kudo nëpër kryeqytet. Një grup i tillë janë parë duke pritur në rend për qebapa në një nga qebaptoret e qytetit. Disa prej tyre shihen të pajisur edhe me dorëza e maska, por prapë nuk ruajnë distancën.

Ndryshe në një foto të publikuar në rrjetet sociale aty shihet edhe një veturë e policisë. /Reporteri.net