Kryeministri i Kosovës, Albin Kurti, bashkë me Ministrin e Kulturës, Hajrullah Çeku kanë vizituar sot Rezidencën e Presidentit, Ibrahim Rugova për të parë nga afër punimet që po bëhen drejt finalizimit të ndërhyrjeve restauruese, shkruan Gazeta Online Reporteri.net.

Kurti dhe Çeku u mirëpritën nga familja Rugova të cilët u shprehën mirënjohës për kujdesin institucional dhe rezultatin e punës së bërë deri më tani.

Gruaja e të ndjerit, presidentit Ibrahim Rugova, Fana, tha se në shtëpi nuk ishte investuar asgjë.

“Ka shku një kohë e gjatë pa bërë kurrfarë investimi këtu. Shtëpia don shumë punë e këtu ka kohë të gjatë që s’është investu kurgjo”,tha ajo, ndërsa falënderoi Kryeministrin dhe Ministrin Çeku për interesimin e punimeve.

/Reporteri.net/