Derisa po zhvillohej protesta nga aktivistët e Lëvizjes Vetëvendosje, kryeministri në detyrë, Albin Kurti, doli në ballkonin e Qeverisë për t’i përshëndetur ata.

Me këtë paraqitje të tij ai ndezi turmën e protestuesve të cilët vazhdimisht kanë thirrur emrin e tij, teksa ai i ka përshëndetur me dorë ata, shkruan Reporteri.net.

“Performanca” e Lëvizjes Vetëvendosje filloi në orën 17:00 dhe zgjati rreth 45 minuta.

Ajo u mbajt në tri sheshe të Prishtinës: “Skënderbeu”, “Ibrahim Rugova” dhe “Adem Jashari”.

Këto sheshe kufizojnë godinat e institucioneve qëndrore, Presidencës, Kuvendit dhe Qeverisë.

Protesta e VV-së ndërlidhet me një vendim të mundshëm të Gjykatës Kushtetuese, që do t’i jepte të drejtë LDK-së për formimin e qeverisë, e që VV po kërkon me ngulm që të shkohet në zgjedhje të reja. /Reporteri.net/