Kryeministri i Kosovës, Albin Kurti, ka mbajtur sot fjalim para studentëve të Oxford Union.

Për këtë ka njoftuar përmes një postimi në llogarinë e tij në Twitter.

Kurti ka thënë se Kosova është një histori suksesi, një fitore e demokracisë dhe një perspektivë premtuese për socialdemokracinë, shkruan Reporteri.net.

“Nder që pata mundësinë të flisja në Oksford Union për Republikën tonë të re, origjinën, rrugëtimin dhe fatin e saj. Sot, Kosova është një histori suksesi, një fitore e demokracisë dhe një perspektivë premtuese për socialdemokracinë”, ka shkruar Kurti në rrjetin social Twitter.

It was an honor to have the opportunity to speak at the @OxfordUnion about our young Republic, its origins, journey and destiny. Today, Kosova is a success story, a victory for democracy and a promising prospect for social-democracy. pic.twitter.com/tiUImxPYlH

— Albin Kurti (@albinkurti) June 6, 2022

Ndryshe, pak pasi u kthye nga “turi” në Shtetet e Bashkuara të Amerikës, kryeministri i Republikës së Kosovës, Albin Kurti, ka udhëtuar sot drejt Britanisë së Madhe.

Sipas njoftimit të Zyrës së tij, Kurti do të realizojë takime me zyrtarë të lartë, përfshirë dhe Sekretaren britanike për Punë të Jashtme, Liz Truss.