Lideri i Lëvizjes Vetëvendosje, Albin Kurti ka bërë homazhe tek varri i shkrimtarit shqiptar, Sami Frashëri.

Kryetari i Komunës se Prizrenit, Mytaher Haskuka përmes një postimi në llogarinë e tij në Facebook, ka njoftuar se gjatë qëndrimit të tij dhe anëtarëve tjerë të VV-së në Stamboll, kanë përkujtuar Sami Frashërin në 115 vjetorin e vdekjes së tij.

“Dje ishte 115 vjetori i shkuarjes në amshim të rilindasit, shkrimtarit, atdhetarit, mendimtarit, gjuhëtarit, të madhit Sami Frashëri. Sot bashkë me Albin Kurtin dhe kolegët nga Lëvizja VETËVENDOSJE e përkujtuam me respekt tek varri i tij në Stamboll”, ka shkruar Haskuka.