Kreu i Lëvizjes Vetëvendosje, Albin Kurti, ka përkujtuar sulmet terroriste të 11 shtatorit  ku humbën jetën afër 3000 persona.

Përmes një postimi në rrjetin social Facebook, Kurti ka thënë se terrori i 11 shtatorit la vrragë të thellë, por më shumë bashkoi sesa që ndryshoi botën.

Në mesin e viktimave ishin edhe tre shqiptarë, që sipas Kurtit u bënë shprehje shtesë e afërsisë shqiptaro-amerikane në çdo rrethanë dhe kohë.

Ky është postimi i tij i plotë:

Që nga viti 2001, në ditën e 11 shtatorit, kujtojmë e nderojmë, me dhembje e solidaritet, familjet e të vrarëve dhe mbarë kombin amerikan. 2977 viktimat e pafajshme dhe mijëra të tjerë të plagosur e të lënduar janë pasoja e paharrueshme e terrorizmit i cili kurrë nuk mund të ngadhënjejë.

Në mesin e viktimave ishin edhe tre shqiptarë, që u bënë shprehje shtesë e afërsisë shqiptaro-amerikane, në çdo rrethanë dhe kohë.

Terrori i 11 shtatorit la vrragë të thellë, por, më shumë bashkoi sesa që ndryshoi botën.

Kullat Binjake nuk janë më, por Kulla e Lirisë, edhe më e lartë, është aty tani.

https://www.facebook.com/albini2017/photos/a.229545544212004/958798974619987/?type=3&__xts__%5B0%5D=68.ARCMVM7JDK2waQF230SdktcwwNKkeePK67pLej3T6fh_eSaUky7sTgeC9qxsAF-qRgdfmTMHtYTHvtYYYdl-apM20-uQsX-hK_sTX-_OQ0HnrAuamTP4mlH7XG2iUxNbBl1r5BWwqe9pYUUS4RBZUn-2SzY0WTc_Ko-9oY2sMg8Vbaxa60nuEy31OgX5G7oIvAvGCvxAr7xxBtgzG5w4M14LH5DI3opygvPoXIkUP8YOkHlOxC8JcIn0QFh-dhXGygyvcEGWKKQgLSD2mHrqMmwh9h4i_hXdpBhcTJe-Xw7_Qixqc24U_epto-fwa8QfdYrpNZnVlYtiNfO-tOfdm58ynGnSqwIGsiT3MmI0EvUETPJeDA8AJLg&__tn__=-R