Kreu i Vetëvendosjes, Albin Kurti, vite më parë fliste me shumë këmbëngulje për bashkimin kombëtar.

Por tashmë nuk e merr me aq “seriozitet” si më parë.

“Gjithmonë do të ketë shqiptarë dhe serbë në të dy anët e kufirit. Prandaj, pranimi i demarkacionit po, por jo shkëmbimi i territorit”, ka deklaruar Kurti në një intervistë për “Pobjeda” të Podgoricës, shkruan Reporteri.net.

Por Kurti ishte pyetur për për mundësinë e bashkimit kombëtar menjëherë pasi partia e tij doli e para në zgjedhjet e 6 tetorit.

“Me Shqipërinë do bëj marrëveshje jo për kamera, por për zbatim. Kemi 50 të tilla që s’i zbatojmë. Nuk them që bashkimi Kombëtar ndodh në BE. Atje bashkimi bëhet me danezë e holandezë. Bashkimi ndodh këtu. Arbën Xhaferri ka pas thënë: Bashkimi na zgjedh ne. Bashkimi Kombëtar dhe Bashkimi Europian nuk e zëvendësojnë njëra-tjetrën. Një lloj decentralizimi institucionesh ne një federatë të ardhshme shqiptare do të ishte një ide”, ka deklaruar Kurti.