Kryeministri i Kosovës, Albin Kurti, duket se është një mbështetës i flakët i Kandidatit për President të SHBA-së, Bernie Sanders, i cili është ndër amerikanët e rrallë që promovon ideologji majtiste.

Por, Kurti dhe Sanders nuk ka vetëm ideologji të njëjtë, por kanë pasur edhe këshilltarin e njëjtë të fushatës. Ai është Arun Chaudhary, i cili punoi në fushatën e fundit të Vetëvendosjes dhe Kurtit si strateg i videokomunikimeve me qytetarët e Kosovës.

Chaudhary sërish është i përfshirë në fushatën elektorale amerikane, përkatësisht në kampin e Bernie Sanders.

Madje, Kurti duket se ka edhe komunikim personal me Sanders, meqë vitin e kaluar, ai i kishte uruar Sandersit që të ketë shëndet dhe shërim të shpejt, pas një sëmundje që kishte pasur.

“Uroj @berniesanders shërim të shpejtë dhe të plotë. Bota ka nevojë për zërin tuaj, qëndro i fortë!”, kishte shkruar Kurti në rrjetin e tij në Twitter.

Edhe shqiptaro – amerikanët përmes Hary Bajraktarit kanë dalë shumë hapur kundër Bernie Sanders.

Ditëve të fundit, qeveria e Albin Kurtit, sidomos përkrahësit e Vetëvendosjes kanë shpërndarë lajme dhe postime kundër Presidentit të Amerikës, Donald Trump, i cili po e kërkon arritjen e një marrëveshje ndërmjet Kosovës dhe Serbisë.