Kryeministri në detyrë, Albin Kurti, ka folur pas kritikave se Serbia ka shpallur karantinën në veri të vendit.

Ai mohon këtë përmes një video-mesazhi, ku thotë se është Ministria e Shëndetësisë e cila ka marrë vendimin për futjen në karantinë të Mitrovicës veriore.

“Së fundmi, është sërish Ministria e Shëndetësisë ajo që e ka shpallur karantinën edhe në dy komuna tjera: në komunën veriore të Mitrovicës dhe në komunën e Zvecanit, mirëpo nuk kemi dashur ta bëjmë këtë gjë me tupan, në mënyrë që krizën shëndetësore të mos e thellojmë edhe me një tjetër. Ka pasur një dasmë në Zvecan para dy javësh, e cila e ka shkaktuar shpërndarjen e virusit Covid-19 atje”, ka deklaruar Kurti, shkruan Reporteri.net.

Përtej këtij deklarimi, duhet kujtuar se në rastin e karantinimit të Malishevës, Klinës dhe Vitisë, vendimi ishte marrë ndryshe. Vendimi ishte nënshkruar në qeveri nga kryeministri Kurti.

https://www.facebook.com/albini2017/videos/1293962487660601/

/Reporteri.net/.