Lëvizja Vetëvendosje sapo ka publikuar letrën që sot ia ka dërguar Lidhjes Demokratike të Kosvës, si përpjekje për një koalicion qeverisës, shkruan Reporteri.
Në letrën e nënshkruar nga Albin Kurti, drejtuar Isa Mustafës bëhet me dije se VV nuk e shkakron Glauk Konjufcën nga posti i kryetarit të Kuvendit. Për me tepër sjelljet e LDK-së i konsideron si jodemokratike dhe sikur ngjasojnë me diktatura e monarki.
“U tregaum më shumë se të gaatshëm ta rrisim pjesëmarrjen e LDK-së në qeverisje, në pushtet. Mirëpo, nuk mundemi tash t’i delegjitimojmë institucionet demokratike me ujdi monarkësh….Kosova e pavarur është republikë demokratike në Evropën e shekullit 21, dhe jo monarki apsolute nga Evropa e shekujve të kaluar….Ju lutem tq hiqni dorë nga kjo metodë jodemokratike e veprimit politik. Ne të dy nuk jemi diktatorë, ne nuk bën të sillemi a të veprojmë sit ë tillë”, shkruan ai.
Por ani pse i jep kësi cilësimesh, Kurti e fton sërish Mustafën që të ulën në koalicion.
“Është për të ardhur keq që keni vendosur t`i ndërpreni takimet tona për koalicionin qeverisës duke më detyruar të shkruaj letra, thuajse jemi kundërshtarë politik apo jetojmë në kontinente të ndryshme”, ka shkruar Kurti në letër.
Lideri i VV-së nëpërmjet letrës i ka bërë të ditur Mustafës se nuk ka kthim para 6 dhjetorit të 2019-s.
Sipas tij, nuk ka kthim as para datës 26 dhjetor, kur në krye të Kuvendit është zgjedhur Glauk Konjufca.
Kurti në fund të letrës ka kërkuar që LDK-ja të heqë dorë nga kërkesa për largimin e Konjufës dhe t`i kthehet negociatave!
/Reporteri.net