Kryeministri i vendit, Albin Kurti, gjatë pjesëmarrjes në Samitin e Procesit të Berlinit, në fjalën e tij hyrëse u ka vënë theks të veçantë disa çështjeve.

Me ç’rast, kryeministri ka vlerësuar se pas këtyre dhjetë viteve, siguria e Evropës, s’ka ndryshuar për mire, raporton gazeta online Reporteri.net.

“Dhjetë vjet më vonë, siguria e Evropës nuk ka ndryshuar për mirë, por përgjigja ndaj pushtimit rus të Ukrainës ka qenë e ndryshme. Ukraina, Moldavia dhe Gjeorgjia tani janë kandidate për në BE, Suedia dhe Finlanda janë anëtarësuar në NATO dhe Gjashtë vendet e Ballkanit Perëndimor janë kthyer në axhendën e BE-së”, ka deklaruar Kurti.

Më tej, Kurti ka thënë se Procesi i Berlinit ka luajtur një rol kyç në afrimin e Kosovës dhe BE-së.

Ku ndër të tjerash, kryeministri ka potencuar se Kosova ka qenë dhe do të jetë zë i arsyes në këtë proces, megjithatë, ai ka thënë se shteti kosovar s’duhet të qëndrojë vetëm në shtyrjen dhe mbrojtjen e vlerave themelore të BE-së.

“Për një dekadë, Procesi i Berlinit ka luajtur një rol kyç në afrimin e rajonit tonë drejt BE-së. Pavarësisht sfidave të brendshme dhe të jashtme, Procesi i Berlinit mbetet një forcë lëvizëse për integrimin evropian dhe filli që mban të lidhur Gjashtë Ballkanin Perëndimor. Kjo është ajo që ne e pranojmë dhe festojmë sot këtu në Berlin. Kosova ka qenë dhe do të jetë zë i arsyes dhe flamurtar në këtë proces, por ne nuk duhet të qëndrojmë vetëm në shtyrjen dhe mbrojtjen e vlerave themelore të BE-së”, ka deklaruar Kurti më tej.

Në përfundim, kreu i Qeverisë ka theksuar se BE-ja duhet të sigurojë që fondet e BE-së janë të lidhura me vlerat e saj.

“BE-ja duhet të sigurojë që fondet e BE-së janë të lidhura me vlerat e BE-së – është Procesi i Berlinit ai që e afron rajonin tonë më afër BE-së, jo një “Proces i Pekinit” që çon në BRICS”, ka thënë Kurti.

/Reporteri.net/.

My address on the 10th anniversary of the Berlin Process:

Dear Chancellor Scholz,
Dear President von der Leyen,
Members of the Berlin Process,

1.The Berlin Process began in August 2014, shortly after EU enlargement was paused and Russia annexed Crimea.
2.Ten years later,… pic.twitter.com/LuETktUk9Q

— Albin Kurti (@albinkurti) October 14, 2024