Kryetari i Lëvizjes “Vetëvendosje”, Albin Kurti  në një konferencë për media që pasoi pas dorëheqjes së Ramush Haradinajt nga posti i kryeministrit ka lënë të kuptohet se partia e tij dhe LDK-ja  do të shkojnë me një listë në zgjedhjet e ardhshme.

Kurti ka thënë se janë të gatshëm që të bashkëpunojnë me LDK-në në mënyrë që të kthehet shpresa në Kosovë, shkruan Reporteri.net.

Mirëpo sipas tij, LDK ende nuk ka përfunduar procesin e brendshëm zgjedhor dhe se gjithçka do të sqarohet në fillim të gushtit.

“Ne jemi në koordinim të vazhdueshëm, komunikim të përhershëm me LDK-në dhe natyrisht që në ditët në vijim do të bashkërendohemi për të mirën e Kosovës. Jemi të interesuar që ta krijojmë paraprakisht një subjekt që fiton lista ngadhënjyese që e kthen shpresën në Kosovë. Ka vullnet nga ana jonë për një bashkërendim drejt zgjedhjeve të reja. LDK ende se ka përfunduar procesin e brendshëm zgjedhor. Në fillim të gushtit gjithçka do të jetë e qartë”, u shpreh Kurti. /Reporteri.net