Ish-koordinatori nacional për dialogun Kosovë-Serbi, Skender Hyseni, ka komentuar deklaratën e Albin Kurtit, i cili sot deklaroi që nuk do të marrë pjesë në takimin e 11 majit të paralajmëruar nga Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell.

Hyseni deklaroi se e mirëpret këtë deklaratë të tij, por sipas tij, kjo nuk mjafton pasi këto duhet të thuhen në tavolinën e bisedimeve dhe jo para kamerave.

“E mirëpres atë që e ka thënë sot në Bruksel, por nuk mjafton ajo duhet të thuhet në tavolinë, sepse nuk zgjidhet statusi i Kosovës, me gjithë respektin në komunikim me gazetarët apo para kamerave, por këto çështje zgjidhen në tavolinë të bisedimeve, e aty duhet të thuhen e pastaj të thuhen kamerave”, tha Hyseni në T7.