Kryeministri Albin Kurti ka zhvilluar një takim me Kancelarin e Gjermanisë, Olaf Scholz, pas sesioneve dhe punimeve të Samitit të Procesit të Berlinit, në objektin e Kancelarisë gjermane.

Lidhur me këtë takim kryeministri Kurti ka njoftuar edhe në Facebook, shkruan gazeta online Reporteri.net.

Ai ka vlerësuar se takimet me kancelarin gjerman “janë përherë të sinqerta, me diskutime përmbajtësore e konstruktive’.

“Me Kancelarin gjerman, Olaf Scholz, qoftë në Prishtinë apo në Berlin, takimet janë përherë të sinqerta, me diskutime përmbajtësore e konstruktive. Sot u ritakuam në kuadër të 10-vjetorit të Procesit të Berlinit, në Samitin e radhës ku u përkushtuam për më shumë bashkëpunim rajonal e përmes tij për integrim të plotë evropian.”, ka shkruar Kurti.

Ai tha se e ka falenderuar kancelarin gjerman për mbështetjen evazhdueshme të Gjermanisë për Kosovën.