Kryeministri në detyrë, Albin Kurti, ka shtruar darkë për Sekretarin e Jashtëm të Mbretërisë së Bashkuar, David Lammy, i cili arriti sonte në Kosovë, ku do të qëndrojë për vizitë zyrtare, shkruan Reporteri.net.

Pamjet nga kjo darkë i ka publikuar Ambasadori britanik, Jonathan Hargreaves.

“Isha i nderuar të isha në darkën e shtruar për Sekretarin e Jashtëm të Mbretërisë së Bashkuar David Lammy nga kryeministri në detyrë, Albin Kurti dhe ministrat. Miqësia mes Britanisë së Madhe dhe Kosovës, e bazuar në përkushtimin e përbashkët për një Kosovë të sigurt, multietnike dhe demokratike, është e gjatë dhe e qëndrueshme”, ka shkruar Hargreaves.

Lammy u prit nga Kryediplomatja Donika Gërvalla me të arritur në Kosovë. Nesër në mëngjes, ai do të takohet me Presidenten Vjosa Osmani. Pas takimit, do të flasin para gazetarëve./Reporteri.net