Kryeministri në detyrë Albin Kurti do të vizitojë sot Prizrenin dhe Malishevën.

Kurti do të pritet nga kryetari i kësaj komune, Mytaher Haskuka. Vizita e tij ka të bëjë me situatën e krijuar nga COVID-19 dhe zhvillohet tek ‘Shtëpia e Bardhë’ nga ora 10:30.

Pastaj do të shkojë në Malishevë, në komunën më numrin më të madh të të infektuarve me COVID-19.

Por mbrëmë Fatmir Limaj, kryetar i NISMA-s, parti kjo që udhëheq me Malishevën e quajti të vonshme vizitën e Kurtit, duke thënë si ai apo ministri i Shëndetësisë është dashur të shkojë shumë më herët atje.

Por Kurti dje tha se arsyeja pse nuk ka shkuar është se para disa dite ka qenë në Malishevë ushtruesi i detyrës së ministrit të Brendshëm, Xhelal Sveçla.

Kujtojmë se dje Kurti qëndroi në Klinë, Pejë dhe Gjakovë, ku takoi kryetarët e komunave. /Reporteri.net/.