Kryeministri i vendit, Albin Kurti, gjatë qëndrimit të tij në Strasburg, ka takuar mërgimtarë nga Franca, Gjermania, Zvicra, Belgjika e Luksemburg.

Në bashkëbisedim me ta, Kurti ka thënë se mërgata gëzon vëmendje të veçantë nga Qeveria e Kosovës, përcjell gazeta online Reporteri.net.

“Këtë, e kemi reflektuar edhe përmes programeve të “Dialogut me Mërgatën” dhe ai i ‘’Diplomacisë Qytetare’’, tek puna për komisionin ad-hoc për reformën zgjedhore i cili po merret me realizimin e suksesshëm të votimit nga jashtë vendit, e ligjit dhe strategjisë për angazhimin e mërgatës”, ka thënë Kurti, njofton komunikata për media e kryeministrisë.

“Përvoja dhe njohuritë që mërgata i sjell në atdhe, janë një burim jashtëzakonshëm i pasurisë dhe mund të ndihmojnë në ngritjen e zhvillimit ekonomik dhe social në Kosovë”, ka thënë tutje Kurti.

Ndër të tjera, kryeministri ka komentuar edhe kontributin e tyre për vendin, duke thënë se Kosova mbetet përherë e hapur për bashkëpunim me mërgatën. /Reporteri.net/.