Kryetari i Vetëvendosjes, Albin Kurti, ka takuar sot kryeministrin në dorëheqje të Maqedonisë, Zoran Zaev.

Kurti thotë me Zaevin ka biseduar për situatën politike në mes dy vendeve dhe mundësinë e bashkëpunimit.

“Sot në Shkup takova kryeministrin e Maqedonisë së Veriut, z. Zoran Zaev, me bashkëpunëtorët e tij. I shoqëruar nga anëtarët e kryesisë, znj. Fitore Pacolli-Dalipi dhe z. Liburn Aliu, biseduam për situatën politike në dy vendet tona, mundësitë e bashkërendimit të ndërsjelltë, raportet midis shteteve në Ballkan dhe çështjet e integrimit evropian. Do të mbetemi në komunikim të vazhdueshëm për takime e bashkëpunime në të ardhmen”, ka shkruar Kurti në Facebook, shkruan Reporteri.net.