Kryeministri i Kosovës, Albin Kurti, ka thënë se vrasësit e Oliver Ivanoviqit po bredhin të lirë në Serbi, transmeton Reporteri.net. 

Politikani serb nga Kosova, Oliver Ivanoviq, ishte vrarë më 16 janar të vitit 1998, derisa po futej në zyrën e tij në Mitrovicën e Veriut. Kurti në 6-vjetorin e vrasjes së Ivanoviqit ka thënë se Beogradi i druhej atij si dëshmitar i mundshëm i EULEX-it.

“Oliver Ivanoviq ishte aktiv si: gjatë luftës ’98-’90 ashtu edhe dëbimit të shkurtit të vitit 2000 të mijëra shqiptarëve nga veriu. Beogradi i frikësohej atij si dëshmitar të mundshëm të EULEX-it. Sot, 6 vjet pas vrasjes së tij në Mitrovicën e Veriut, vrasësit e tij ende bredhin të lirë në Serbi”, ka shkruar Kurti në platformën “X”.

Oliver Ivanovic was active during both: ‘98-‘99 war & the Feb. 2000 expulsion of thousands of Albanians from the north. Belgrade feared him as a possible EULEX witness. Today, 6 yrs. after his assassination in North Mitrovica, his killers still roam free in Serbia.

— Albin Kurti (@albinkurti) January 16, 2024

Ivanoviq është vrarë para zyrës së partisë së tij, më 2018, në Mitrovicë të Veriut.

Hetimet për vrasjen e Ivanoviqit janë duke vazhduar në Kosovë dhe Serbi.