Kryetarja e partisë “Alternativa”, Mimoza Kusari-Lila, ka njoftuar se s’do të garojë personalisht në zgjedhjet e 12 tetorit.

Mirëpo, Kusari-Lila tha se si “Alternativë”, do të garojnë vetëm.

“Unë jam deklaruar për pjesëmarrjen time personale në zgjedhjet lokale si Mimoza Kusari-Lila që kam garuar katër herë deri më tash për komunën e Gjakovës, nuk do të garojë në zgjedhjet e 12 tetorit personalisht”.

“Si Alternativë, po, do të garojnë vetëm dhe kjo nuk është çështje e asnjë keqkuptimi me Lëvizjen Vetëvendosje, ka të bëjë me një diskutim që tash bashkë me Lëvizjen Vetëvendosje dhe partinë Guxo zhvillohet qe një vit e gjysmë ose dy vite”.

“Pas përfundimit të procesit zgjedhor të zgjedhjeve lokale të vitit 2021, si rrjedhojë e analizave të ndryshme që janë bërë edhe në qendrat e Lëvizjes, neve na është komunikuar që zgjedhjet e tjera duhet me fillu me i shiku, me hy, me garu vetëm në lista, nëse ka hapësirë të bashkëpunimit për kandidat nëpër komuna po, për arsye se ka pasur qoftë çështje të moskomunikimit apo mosmarrëveshjeve të ndryshme”.

“Por, ne e kemi pashmangshëm që duhet hapsirën me ia lënë partisë më të madhe që ata e kanë dashur për vete, që është krejtësisht legjitime”, ka deklaruar Kusari-Lila në Klan Kosova.