Partia Demokratike e Kosovës gjatë ditës së sotme është duke mbajtur Kuvendin Zgjedhor në komunën e dytë më të madhe në Kosovë, në Prizren.
Reporteri.net merr vesh se kandidati i PDK-së për degën e Prizrenit do të jetë Shaqir Totaj.
Totaj i cili ishte edhe një nga kandidatët më të votuar të kësaj partie gjatë zgjedhjeve të kaluara, tani konsiderohet si favorit për të udhëhequr Degën e Prizrenit.
Ndryshe, drejtuesit e PDK-së thanë se Kuvendi Zgjedhor në Prizren do të shërbejë si mundësi për ta konsoliduar dhe forcuar edhe më shumë Partinë Demokratike. Ata shtuan se sa më e madhe që është PDK-ja, aq më e fortë është Kosova./Reporteri.net