Administrata Tatimore e Kosovës ka njoftuar se një nga tri viktimat e Coronavirusit që u shënuan sot në Kosovë është  inspektori, Habib Kadolli.

Habib Kadolli ishte inspektor tatimor në Drejtorin Regjionale të Prizrenit, i cili vdiq sot pasi ishte i prekur me coronavirus dhe kishte edhe sëmundje të tjera shoqëruese.

“Në emrin tim dhe gjithë stafit të ATK-së, familjes së të ndjerit dhe gjithë kolegëve të Regjionit të Prizrenit, ju shprehim ngushëllimet më të sinqerta për vdekjen e kolegut tonë!” thuhet në njoftimin e ATK-së.

Postimi i plotë:

Telegram ngushëllimi,

Me pikëllim të thellë sot morëm lajmin se është ndarë nga jeta kolegu ynë Habib Kadolli, i cili ishte i prekur nga COVID-19.

Habib Kadolli ishte inspektor tatimor në Drejtorin Regjionale të Prizrenit, i cili deri në momentet e fundit të jetës së tij me përkushtimin më të lartë i shërbeu institucionit dhe vendit!

Në emrin tim dhe gjithë stafit të ATK-së, familjes së të ndjerit dhe gjithë kolegëve të Regjionit të Prizrenit, ju shprehim ngushëllimet më të sinqerta për vdekjen e kolegut tonë!

Ngushëllime të gjithë familjarëve, miqëve dhe kolegëve!

Ilir Murtezaj

Drejtor i Përgjithshëm i ATK-së