Ky është personi që humbi jetën sot në vendin e punës

Aksidentalisht derisa po punonte me kamion në një gurëthyes sot në orët e para të mëngjesit ka humbur jetën Afrim Gashi nga fshati Zajm i Komunës së Klinës.


Bëhet e ditur se 51-vjeçari ishte shofer në “Mirusha Company”, ndërkaq dyshimet e para janë se kamioni të cilin ai po e vozistë është rrokullisur, e Gashi ka ndërruar jetë pas goditjes nga gurët të cilët i kishte të ngarkuar në kamion

Rastin e ka konfirmuar edhe Policia e Kosovës.

“Sot rreth orës 08:30 Policia e Kosovës është informuar për një rast i cili ka ndodhur në fshatin Dollc të Klinës me të marrë informatën njësitë relevante kanë shkuar në vend të ngjarjes gjithashtu në vend të ngjarjes ka dalë edhe njësiti i forenzikës emergjenca edhe njësiti i zjarrfikësve”, ka deklaruar  Driton Rugova zëdhënsi i Policisë së Pejës.

Ndërkaq, nga Prokuroria e Pejës janë deklaruar se për këtë rast është kërkuar që të bëhet ekspertiza e automjetit të cilën po e voziste i ndjeri.