I Dërguari Special i Bashkimit Europian për dialogun Kosovë-Serbi, Miroslav Lajcak, është takuar me presidentin e Serbisë, Aleksandar Vuçiq në Bruksel teksa ka paralajmëruar takimin edhe me kryeministrin e Kosovës, Albin Kurti.

Lajcak ka postuar në Twitter për takimin me Vuçiq dhe fillimin e një jave me shumë punë, ku tregon se do të takohet Albin Kurtin.

“Duke filluar një javë të ngarkuar të Ballkanit Perëndimor në Bruksel, u takova me Presidentin e Serbisë, Aleksandar Vuçiq, për të diskutuar për dialogun mes Prishtinës dhe Beogradit dhe punën që na pret. Më vonë gjatë kësaj jave, unë do të diskutoj të njëjtat çështje me Kryeministrin e Kosovës Albin Kurti”, ka shkruar ai.

Kicking off a busy Western Balkans’ week in Brussels, I met with @predsednikrs @avucic to discuss the Belgrade-Pristina Dialogue and the work ahead. Later this week, I will discuss the same issues with the Prime Minister of Kosovo Albin Kurti. pic.twitter.com/Oxuu4Zcvdx

— Miroslav Lajčák (@MiroslavLajcak) April 25, 2021

Po ashtu, Lajçak në profilin e tij ka të shkruar titullin si i Dërguari Special i Bashkimit Europian për dialogun Prishtinë-Beograd, term ky teknik që nënkupton neutralitetin kundrejt marrëdhënieve Kosovë-Serbi për shkak që 5 vende anëtare të BE-së ende nuk e njohin Kosovën si shtet.

Lajcak po ashtu para disa kohëve kishte postuar një foto ku prapa tij shihej një hartë ku Kosova nuk dallohej si e ndarë nga Serbia.