Një person i panjohur e ka hequr fotografinë e Hashim Thaçit dhe Ismail Qemalit, e cila u vendos sot nga dy persona tjerë në murin e objektit të Kuvendit të Kosovës.

Pas largimit të fotografisë se ish-kryeministrit të Kosovës, Hashim Thaçi, dhe ish-kryeministrit të Shqipërisë, Ismail Qemali, ajo është hedhur në koshin e plehrave, shkruan Nacionale.

Në fotografi, Thaçi dhe Qemali cilësoheshin si heronj të kombit shqiptar. I pari shpalli pavarësinë e Kosovës 15 vjet më parë, e tjetri atë të Shqipërisë gati 111 vjet më parë.

“Heronjtë e kombit, shpallësit e Pavarësisë”, shkruhej në fotografinë e vendour në murin e Kuvendit.

Nga ana tjetër, pas mbledhjes solemne të Qeverisë, ngritjes së flamurit, radha është për seancën solemne e Kuvendit të Kosovës. Në të po marrin pjesë një numër i konsiderueshëm i deputetëve.

Me intonimin e himnit të Kosovës ka nisur seanca solemne e Kuvendit të Kosovës.

Në këtë seancë po marrin pjesë edhe presidentja Vjosa Osmani, kryeministri Albin Kurti e presidenti i Shqipërisë, Bajram Begaj.