Filozofi Blerim Latifi thotë se nuk duhet të ndërlidhet sjellja e një indvidi ose grupi individësh me karakterin e një populli.

Këtë reagim, ai e bën pasi thotë se ‘po sheh në Facebook shumë njerëz që po e lidhin ngjarjen e ‘kësaj’ Loredanes me hezitimin e BE’së për t’ia dhënë vizat Kosovës’.

Ja postimi i tij në Facebook:

Po shoh në facebook shumë njerëz që hezitimin e BE-së për të na dhënë liberalizimin e vizave, e ndërlidhin edhe me sjelljet delikuente të shqiptarëve në Perëndim, sidomos me sjelljen e kësaj këngëtares Loredana.

Është logjikë raciste ta gjykosh karakterin e një populli a shoqërie, nisur nga sjellja e një individi ose grupi individësh. Dhe, më e rëndë është kur ata që janë subjekte të këtij gjykimi, e pranojnë atë si fakt evident.

Fatkeqësisht populizmi i djathtë, që po ngrihet gjithandej Evropës, ushqehet prej këtyre paragjykimeve raciste. Me gjasë fitoret e liberalizmit perëndimor me 1945 dhe 1989, nuk kanë qenë përfundimtare!