Kryetari i Komunës së Vitisë Sokol Haliti dhe kryetari i AAK-së në Viti Faruk Nura kanë nënshkruar zyrtarisht koalicionin për bashkëqeverisje në Komunën e Vitisë, shkruan Reporteri.net.

Lajmin e ka konfirmuar për Gazetën Online “Reporteri.net”, kryetari i Vitisë, Sokol Haliti, i cili ka thënë se kanë dashur që të jetë një bashkëpunim më i gjerë dhe të mos jetë një qeverisje vetëm njëpartiake.

Reporteri merr vesh se me Drejtorinë e Shëndetësisë dhe Mirëqenies Sociale në këtë komunë do të udhëheqë tash e tutje AAK-ja.

Emri i propozuar për të drejtuar këtë dikaster është Hanife Jonuzi.

Ky koalicion do të jetë themel i bashkëpunimit edhe në zgjedhjet lokale të vitit 2021. /Reporteri.net/