Kryetar i ri i Dragashit për katër vitet e ardhshme do të jetë kandidati i LDK-së, Bexhet Xheladini.

Sipas rezulatit të votave të diasporës, Xheladini do të marrë udhëheqjen e kësaj komune.

470 vota janë regjistruar nga diaspora për Bexhet Xheladinin e LDK-së, ndërsa 173 për Shaban Shabanin e PDK-së.

Kështu ka bërë të ditur për Gazetën Online Reporteri.net, zëdhënësi i KQZ-së Valmir Elezi.

Këto vota ishin vendimtare për komunën e Dragashit ku u përsërit procesi i votimit për votuesit nga diaspora.

Kandidati i LDK-së Bexhet Xheladini pritet të udhëheqë Dragashin në katër vitet e ardhshme pasi mposhti kandidatin e PDK-së Shaban Shabani.