Ministri i Bujqësisë që është edhe zëdhënës i LDK-së, Besian Mustafa, ka konfirmuar se mocioni i mosbesimit ndaj Qeverisë është duke vazhduar si procedurë.

Ai gjatë një konference që pati për Bujqësinë, u pyet edhe lidhur me këtë temë, për të cilën foli shkurtimisht, shkruan Reporteri.net.

Sipas Mustafës, LDK e ka kryer punën e saj dhe tani ajo i përket Kuvendit të Kosovës.

“Janë vendime të kryesisë se LDK-së, mocioni vazhdon ne Kuvend, ku përgjegjës janë udhëheqësia e Kuvendit”, tha shkurt ai.

Ndërkohë dje, kreu i partisë, Isa Mustafa, nuk dha shenja pendese lidhur me mocionin. Madje, pendese shfaqi vetëm për kohën kur kishte përkrahur idenë e futjes në koalicion me VV-në.

Ndryshe, LDK e VV janë në një krizë që nga java e kaluar, e cila pritet të ketë epilog rrëzimin e Qeverisë, ashtu sic kërkohet në mocionin e dërguar para dy ditësh në Kuvend nga Grupi Parlamentar i LDK-së./Reporteri.net