Lëvizja Demokratike e Kosovës ka reaguar pas dorëzimit së kërkesës për mocion të mosbesimit me 46 nënshkrime.

LDK-ja nëpërmjet një statusi në Facebook, ka shkruar se Mustafa i ka dhënë një mundësi Albin Kurtit që të heqë taksën pa kushte si dhe të kthej në detyrë ministrin Veliu, duke kërkuar falje për veprimin e bërë, shkruan Reporteri.net

Pasi që Kryeministri Kurti nuk reflektoi, LDK-ja sot në fund të orarit ka dorëzuar kërkesën për mocion të mosbesimit me 46 nënshkrime.

“Përkundër vendimit të Kryesisë së LDK-së, kryetari Mustafa i ka dhënë një mundësi shtesë Kryeministrit Kurti që të reflektojë sot në heqjen e plotë dhe pa kushte të tarifës si dhe ta kthejë në detyrë ministrin Veliu, me kërkim falje për veprimin e ulët ndaj tij. Por, Kryeministri nuk reflektoi. Prandaj, sot në fund të orarit të punës, LDK ka dorëzuar kërkesën për mocion të mosbesimit me 46 nënshkrime”, thuthet në njoftim.