Media të caktuara raportuan se me të rifilluar procesi në Degën e Mitrovicës kanë filluar edhe përplasjet, konkretisht në nëndegën e fshatit Bare.

Por Ismail Hajdari kryetar i nëndegës së LDK-së në Bare ka deklaruar për Reporteri.net se nuk ka pasur kurrfarë rrahje.

“Apsolut nuk ka pasur përleshje. Pala tjetër si e pa që nuk i kanë numrat u tërheq, u larguan 4 persona. Më pas çdo procesi vazhdoj krejt në rregull, u zgjodh kryesia e kryetari me vota unanime”, tha Hajdari për Reporteri.net.

Kujtojmë se në Degën e Mitrovicës muaj më parë kërsiti grushti ku u rrahën mes vete përkrahësit e kryetarit aktual të Degës, Safet Kamberi dhe përkrahësit të Faton Pecit që synon ta marrë drejtimin e kësaj dege. /Reporteri.net/.