Lutfi Haziri, është shpallur edhe zyrtarisht kandidat i Lidhjes Demokratike të Kosovës, për kryetar të Gjilanit në zgjedhjet e 17 tetorit.
Haziri synon mandatin e katërt në krye të Gjilanit.
Ndonëse shpesh ka deklaruar se nuk dëshiron që të kandidojë edhe nja mandat Haziri duket se është parë figura e vetme që mund ta ruajë Gjilanin, pas rënies në zgjedhjet nacionale të 14 shkurtit, për LDK-në, ruajtja e primatit në komunat ku ka qeverisur në katërvjeçarin e fundit është me rëndësi jetike .
Lutfi Haziri, është një prej figurave më të rëndësishme të LDK-së në Gjilan dhe Anamoravë.
Kujtojmë që në mbledhjen e sotme kryesia e LDK-së vendosi që:
– Lutfi Haziri të jetë kandidat për kryetar të Komunës së Gjilanit;
– Anton Quni – kandidat për kryetar të Komunës së Prizrenit;
– Ilir Ferati – kandidat për kryetar të Komunës së Istogut;
– Hyrie Dobrunaj – kandidate për kryetare të Komunës së Deçanit;
– Burim Krasniqi – kandidat për kryetar të Komunës së Rahovecit;
– Besim Hoti – kandidat për kryetar të Komunës së Klinës;
– Bajrush Hoti – kandidat për kryetar të Komunës së Malishevës;
– Bexhet Xheladini – kandidat për kryetar të Komunës së Dragashit;
– Jeton Biqkaj – kandidat për kryetar të Komunës së Kamenicës;
– Ruzhdi Shehu – kandidat për kryetar të Komunës së Junikut.
Përveç zyrtarizimit të kandidaturave, Kryesia e LDK-së ka marrë vendim për formimin e të gjitha shtabeve zgjedhore të Degëve dhe të Nëndegëve me qëllim të organizimit sa më të mirë të këtij procesi.