ORCA (Organizata për Rritjen e Cilësisë në Arsim), ka njoftuar për rezultatet preliminare të zgjedhjeve studentore në Universitetin e Prishtinës.

Sipas rezultateve të publikuara, lëvizja studentore që ka fituar zgjedhjet është koalicioni UDS USPE OPS me 5439 vota apo 43.77%, derisa lëvizja studentore SKV, lëvizje kjo e cila njihet edhe për afërsinë me Lëvizjen Vetëvendosje është renditur në vendin e dytë duke i humbur zgjedhjet me vetëm 3327 vota apo 26.77%

Njoftimi i plotë i ORCA-s.

REZULTATET PRELIMINARE TË ZGJEDHJEVE STUDENTORE NË UP
Rezultatet për Këshille të Fakulteteve dhe për Parlament Studentor në Universitet të Prishtinës janë si vijon:

Fakulteti Ekonomik UDS-USPE-OPS

Fakulteti Filozofik REFORMA

Fakulteti i Arkitekturës UDS-USPE-OPS

Fakulteti i Arteve REFORMA

Fakulteti i Bujqësisë dhe Veterinarisë UDS-USPE-OPS

Fakulteti i Edukimit UDS-USPE-OPS

Fakulteti i Edukimit Fizik dhe Sportit REFORMA

Fakulteti i Filologjisë UDS-USPE-OPS

Fakulteti i Inxhinierisë Elektrike dhe Kompjuterike SKV

Fakulteti i Inxhinierisë Mekanike SKV

Fakulteti i Mjekësisë UDS-USPE-OPS

Fakulteti i Ndërtimtarisë UDS-USPE-OPS

Fakulteti i Shkencave Matematikore Natyrore SKV

Fakulteti Juridik PS-UP

Ndërkaq më poshtë mund të gjeni rezultatin e votimit sipas organizatave studentore që garuan për Parlament Studentor:

UDS USPE OPS – 5439 vota apo 43.77%.

SKV – 3327 vota apo 26.77%

REFORMA – 2642 vota apo 21.26%

PS UP – 839 vota apo 6.75%

ISP UP – 179 vota apo 1.44%

Sipas këtyre rezultateve është konstatuar se organizata fituese e këtyre zgjedhjeve studentore është koalicioni i organizatave UDS USPE OPS – 5439 vota apo 43.77%.