Ministri i Mjedisit, Planifikimit Hapësinor dhe Infrastrukturës së Kosovës, Liburn Aliu në ditën e gjykimit të ish krerëve të UÇK-së, i dha përkrahje bashkëpartiakut të tij, Rexhep Selimit por jo edhe të akuzuarve të tjerë.

Përkrahjen ndaj Selimit, ministri Aliu e ka shprehur përmes një postimi në Facebook.

“Deri në fitoren tënde të pashmangshme, Gjeneral! Lavdi luftës së pastër të Ushtrisë Çlirimtare të Kosovës, të bindur se drejtësia do të triumfojë përherë!”, ka shkruar Aliu, përcjell Reporteri.net.

Kujtojmë se sot nisi procesi gjyqësor kundër katër krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi, në Hagë ndërkohë që dhjetëra-mijëra qytetarë kanë marshuar rrugëve të Prishtinës për të kërkuar drejtësi./Reporteri.net/

Postimi i plotë: