Sot në Shkup, nën organizimin e Qeverisë së Republikës së Maqedonisë së Veriut po mbahet takimi i liderëve të Ballkanit Perëndimor, kushtuar “Planit të Rritjes për Ballkanin Perëndimor”, të miratuar nga Komisioni Evropian, shkruan Reporteri.net.

Në këtë takim po merr pjesë edhe Kryeministri i Republikës së Kosovës, Albin Kurti.

Takimi ka nisur në orën 09:00, në kuadër të “Planit të Rritjes për Ballkanin Perëndimor”, me fjalët hyrëse të liderëve. Ndërkaq, takimi i liderëve do të nisë në 09:50.

Në orën 12:15 është paraparë një konferencë të mbahet konferenca e përbashkët për media.

Kurti mëngjesin e sotëm ka publikuar fotot para takimit “Plani i Rritjes së Ballkanit Perëndimor dhe Integrimi më i Shpejtë në BE”.

Kurti ka njoftuar për takimin me liderët e Ballkanit Perëndimor dhe përfaqësuesve të lartë të BE-së, teksa theksoi se plani i rritjes së BE-së dhe Samitit i Procesit të Berlinit duhet të përshpejtojë anëtarësimin e Ballkanit.

“Theksova se Plani i Zgjerimit të BE-së dhe Procesi i Berlinit duhet të përshpejtojnë anëtarësimin në BE dhe se fondet e BE-së duhet të lidhen me vlerat e BE-së”, ka thënë Kurti.

Kurti në takim me O’Brien dhe liderët e Ballkanit: Folëm për planin e zgjerimit të BE-së