Kreu i Nismës Socialdemokrate, Fatmir Limaj ka thënë se kreu i ekzekutivit, Albin Kurti po mundohet të fshehë arsyen e udhëtimit për Bruksel përmes heshtjes.

Ai përmes një postimi në llogarinë e tij në Facebook, shtoi se takimi në Bruksel po mbahet për rifillim të dialogut me Serbinë.

“Në fakt ai ka zgjedhur të jetë jo-transparent për këtë temë që nga marrja e detyrës duke mos dhënë qëndrim të qartë në dokumentet që tani po qarkullojnë në publik të cilësuara si “Non Paper”.

Kryeministër, trego cili është qëndrimi i juaj për to dhe njoftoje opinionin për agjendën e takimeve në Bruksel. FL“, shkroi Limaj.