Zëvendëskryeministri i Kosovës, Fatmri Limaj ka pritur sot në takim njohësin e rrethanave politike në Ballkan, amerikanin David Philips, i cili njohët edhe si mik i Kosovës, me të cilin ka biseduar për zhvillimet aktuale në vend dhe dialogun Kosovë-Serbi.
Limaj i cili është edhe bashkëkryesues i Delegacionit Shtetëror të Kosovës për bisedime, ka pohuar se vlerëson gatishmërinë e Philips për t’i ndihmuar Kosovës në këtë proces.
“Prita në takim mikun e Kosovës nga Shtetet e Bashkuara të Amerikës dhe njohësin e rrethanave politike në Ballkan, David Philips, me të cilin biseduam për zhvillimet aktuale në vend dhe dialogun Kosovë-Serbi. Vlerësuam momentumin e krijuar për të ardhur deri te një marrëveshje për njohje reciproke mes dy vendeve dhe për hapjen e perspektivës së qartë euroatlanike për Kosovën. Kosova me krijimin e Delegacionit Shtetëror dhe platformën për bisedime, e cila paraqet unitetin e institucioneve, po demonstron vullnet e gatishmëri për dialog pa kushte me Serbinë. Ne vlerësojmë gatishmërinë e Philips për t’i ndihmuar Kosovës në këtë proces”, ka shkruar Limaj në Facebook.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.