Komuna e Lipjanit ka marrë vendim për të ndaluar të gjitha shkollat e kësaj komune për organizimin e festave për nxënësit e klasave të nënta, që njihet si “semi-matura”.

Vendimi është nënshkruar sot nga kryetarii Komunës Imri Ahmeti, në të cilin vendim është thënë se këto organizime janë në kundërshtim me ligjin, shkruan Reporteri.net.

Në dokumentin e siguruar nga Reporteri.net, vendimi arsyetohet duke u thirrur në Udhëzime Administrative që rregullojnë aktivitetet jashtëshkollore.

Sipas këtij Udhëzimi Administrativ, nxënësve nuk u lejohet të mbajnë këso veprimtari jashtë objekteve shkollore dhe në orët e mbrëmjes.

Sidoqoftë, deri tani nuk dihet nëse ndonjë prej shkollave të kësaj komune ka mbajtur mbrëmje të tilla festive, mirëpo në komunat e tjera ato po mbahen si në cdo vit./Reporteri.net