Lista Serbe ende nuk ka marrë vendim se a do të marrë pjesë në zgjedhjet e parakohshme parlamentare që pritet të mbahen më 6 tetor në Kosovë.

Kreu i Listës, Goran Rakiq bëri të ditur dje, se një vendim të tillë partia që ai e udhëheq pritet ta marrë sot.

“Pasnesër në mesnatë është afati i fundit për paraqitjen e listave, dhe unë mendoj se nesër, ne do të dalim me një pozicion përfundimtar për pjesëmarrje për zgjedhjet e parakohshme parlamentare”, tha Rakiq.

Ai kujtoi se qëndrimi i presidentit të Serbisë Aleksandar Vuçiq për zgjedhjet në Kosovë është i njohur dhe se anëtarët e Listës Serbe janë në komunikim të vazhdueshëm me të.