Është nxjerrë nga rrënojat e shembjes së ish-hotelit “Adriatik” në Mitrovicë, trupi i 27 vjeçarit V.B.

Pas më shumë se 6 orë kërkimi trupi i të riut që po punonte në objektin një pjesë të cilit u shemb të hënën pasdite, u gjet para pak minutash, shkruan Reporteri.net.

Ndërsa, tani, autoritetet e sigurisë e kanë nxjerrë trupin e tij krejtësisht nga gërmadhat për ta dërguar në emergjencë.

Nuk dihet ende nëse 27 vjeçari V.B. ka shenja jete.

Reporteri.net do tu mbajë të informuar nga vendi i ngjarjes.

https://www.facebook.com/reporteri/videos/313635269305606/

Ndërkohë, deri më tash, dy persona janë ndaluar si të dyshuar nga Prokuroria Themelore e Mitrovicës, për shembjen e një pjese të objektit të ish-hotelit “Adriatik” në Mitrovicë.

Të ndaluarit janë punëdhënësi dhe punëkryesi i punimeve në këtë objekt.

Në ndërtesë kanë qenë duke punuar gjithsej 4 persona. /Reporteri.net/.