Paneli Zgjedhor për Ankesa dhe Parashtresa – PZAP ka marrë vendim për ankesën e paraqitur nga subjekti politik NISMA-AKR-PD  lidhur me fletëvotimet e ardhura nga Serbia.

PZAP ka vendosur që ankesën e këtij subjekti që po lufton për ta kaluar pragun  ta hedhë poshtë, shkruan Reporteri.net.

“Në seancën e mbajtur më 30.10.2019, ka shqyrtuar ankesën: Anr.380/2019 e 28.10.2019 të paraqitur nga subjekti politik NISMA-AKR-PD, me seli në Prishtinë, kundër vendimit të Komisionit Qendror të Zgjedhjeve (KQZ) – Divizionit për Shërbimin e Votuesve, të 11.10.2019, me të cilën ka kërkuar që të anuloheshin si të parregullta fletëvotimet e ardhura nga Serbia, përmes postës, për zgjedhjet e parakohshme për Kuvend të Republikës së Kosovës të 06.10.2019.

Ankesa Anr.380/2019 e datës 28.10.2019 HUDHET e pasafatshme”, thuhet në njoftim.

Nisma Socialdemokrate kundër këtij vendimi të PZAP do të ankohet në Gjykatën Supreme.

Vendimin e plotë mund ta lexoni duke klikuar KËTU