Autor: Blendi Gashi

Edhe 20 vjet pas lufte ka komuna në Kosovë që ballafaqohen me mungesë totale të ujit.

Është Komuna e Mamushës me popullsi shumicë turke që është e etur për ujë. Banorët e kësaj komune furnizohen vetëm përmes puseve.

Kryetari i kësaj komune, Abdulhadi Krasniç, thotë se shpresojnë që sivjet ky problem do të zgjidhet edhe pse premton 100 % se kjo mund të ndodhë.

“Po shpresojmë që sivjet do të zgjidhet problemi i ujit të pijes në Mamushë, të paktën përkohësisht. Me mbështetjen e kompanisë ‘Hdiroregjioni’ synojmë me aktivizu sistemin e ujit të pijes, pra synojmë hapjen e një pusi. Por duhet thënë se ky pus e zgjidh vetëm pak problemin, por jo përhershëm”, thotë Krasniç për Reporteri.net.

Ai thotë se për ta zgjidhur përfundimisht këtë problematikë me të cilën prej vitesh po përballën banorët e kësaj komune duhet mbështetje edhe nga niveli qendror. Kam biseduar me nivelin qendror për këtë çështje por ende nuk kam marrë një përgjigje. Afër 800 mijë euro e zgjidh problemin e ujit të Mamushës”, thotë Krasniç.

Ai ka treguar se si banorët e kësaj komune bartin ujë edhe nga komuna e Prizrenit.

“Qytetarët e Mamushës shumica shkojnë me bidona e bajn ujin e pijes prej Prizrenit”, tregon Krasniç. /Reporteri.net/.