Në Kosovë ditëve të fundit janë rritur në mënyrë alarmante rastet me COVID-19.

Vetëm sot janë konfirmuar 352 raste të reja, duke çuar në 1659 numrin e rasteve aktive.

Ndërsa rastet vazhdojnë të rriten, numri i personave të vaksinuar me dozën e dytë është 166 mijë e 148 qytetarë.

Njoftimi i plotë nga MSH:

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
ℹ Në 24 orët e fundit janë dhënë 9.590 doza të vaksinës kundër COVID-19.
ℹ Prej fillimit të vaksinimit në të gjitha qytetet e Kosovës janë dhënë 487.685 doza të vaksinës.
ℹ Deri më sot 166.148 qytetarë janë vaksinuar me dozën e dytë.
ℹ Nga 5.204 testime, 352 qytetarë kanë rezultuar pozitiv me virusin COVID-19.
ℹ Gjatë 24 orëve të fundit, është shënuar 1 rast i vdekjes.
ℹ Sot janë shëruar 13 qytetarë, derisa numri i përgjithshëm i të shëruarve është 105.732.
ℹ Në total numri i rasteve aktive është 1.659.