Dhjetëra autobusë, janë organizuar sot për të shkuar në turizëm  ditor në Brezovicë.

Në pamjet që u publikuan sot në media Brezovica “vlon” nga qytetarët derisa tërë kjo situatë e detyroi edhe policinë të ndërhyjë.

Reporteri.net ka siguruar edhe një video ku shihen radhët e gjata të autobusëve të cilët në mënyrë të organizuar dërguan sot njerëz në Brezovicë.

Siç shihet në pamje aty janë mbi 18 autobusë.

Kjo ka bërë që policia menjëherë të shkojë në Brezovicë dhe ta shpërndajë turmën.

Kujtojmë se, numri i rasteve të reja dhe viktimave nga koronavirusi vazhdon të jetë i lartë. Vetëm sot u konfirmuan 524 rate të reja dhe betejën me këtë sëmundje e humbën 12 persona.

Gjatë ditës së djeshme Ministri i Shëndetësisë, Armend Zemaj tha se masat në fuqi do të vazhdojnë edhe më tutje, ndonëse potencoi se ditëve të fundit ka pasur rënie të infektimeve.