Në total numri i rasteve aktive me coronavirus në Kosovë ka shkuar në 26.524.

Vetëm të enjten, 32 persona kanë humbur jetën si pasojë e infektimit me COVID-19, teksa janë konfirmuar edhe 1 mijë e 612 raste të reja pozitive, shkruan Reporteri.net.

Ministria e Shëndetësisë përmes raportit 24 orësh bazuar në të dhënat e Institutit Kombëtar të Shëndetësisë Publike të Kosovës, njofton se janë shëruar edhe 2 mijë e 460 pacientë që ishin të infektuar me virusin SARS CoV-2.

Po ashtu bëhet e ditur se që nga fillimi i procesit të vaksinimit janë dhënë gjithsej 862.224 doza të vaksinës anti-COVID në të gjitha qytetet e Kosovës, teksa vetëm në 24 orët e fundit janë vaksinuar 20.618 qytetarë. /Reporteri.net