Dy raste të vdekjes si pasojë e coronavirusit janë regjistruar të enjten në Kosovë, teksa janë konfirmuar edhe 133 raste të reja pozitive.

Bazuar në të dhënat e Ministrisë së Shëndetësisë, bëhet e ditur se aktualisht në vend janë 6 mijë e 77 raste aktive me COVID-19, shkruan Reporteri.net.

Numri i të shëruarve ka shkuar gjithsej në 150 mijë e 626.

Që nga fillimi i procesit të vaksinimit, në të gjitha qytetet e Kosovës janë dhënë 1 milion e 226 mijë e 63 doza të vaksinës anti-COVID.

Njoftimi i plotë i MSH-së:

23 Shtator 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:

Në 24 orët e fundit janë dhënë 15.925 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1.226.063 doza të vaksinës.

Deri më sot 474.783 qytetarë janë vaksinuar me dozën e dytë.

Nga 4.139 testime, 133 qytetarë kanë rezultuar pozitiv me virusin COVID-19.

Gjatë 24 orëve të fundit, janë shënuar 2 raste të vdekjes.

Sot janë shëruar 805 qytetarë, derisa numri i përgjithshëm i të shëruarve është 150.625.

Në total numri i rasteve aktive është 6.077.

Të dhënat e detajuara mund të i gjeni në linkun:

https://datastudio.google.com/…/2e546d77…/page/MT0qB

Mbani maskat!

Respektoni distancën!

Mbani higjienën!

/Reporteri.net