Kreu i LDK-së, Isa Mustafa, ka mbledhur anëtarët e kryesisë, në të cilin takim po merr pjesë edhe kryeministri Avdullah Hoti.

Ende nuk dihet se për çfarë arsye është mbledhur kryesia e LDK-së.

Reporteri.net ka tentuar të marrë përgjigje nga disa anëtarë të Kryesisë, si Ismet Beqiri, Anton Quni, Imri Ahmeti për të marrë një përgjigje por ata nuk e kanë hapur telefonin.

Kujtojmë se ditë më parë Isa Mustafa ka thënë se tashmë i kanë hequr vijat e kuqe ndaj Partisë Demokratike të Kosovës, me të cilin ka bashkëqeverisur në dy mandate.